|
Канчатковы дыягназ барысаўскіх "Зуброў", ці Сашка - дурак
|
Менавіта пад гэткім лёзунгам правёў 29 красавіка моладзевы рух "Зубр" псыхалягічныя гуляньні ў мясцовым парку імя Горкага.
Акцыя распачалася каля 13.00, у цэнтры парка адпачынку. З пачатку з-за дрэваў на лыжах выехаў, чалавек у масцы з вусамі. Прысутная на акцыі моладзь ды мінакі пазналі ў ім "свайго бацьку", зь якім адразу ж завязалася гутарка на тэмат "нармальных яйкаў" ды хакею.
Тым часам блізу распачалася тэатралізаваная сцэнка. Аўтарытэт "Сашка" з клюшкаю ў рукох, ды ланцужком з шайбаў на шыі прыймаў народ. Бабульку якая жалілася на пацекшую страху, ды дзеда-ветэрана, якому не хапала пэнсыі на жыцьцё. Бабульку забралі санітары, каб "адрамантаваць" ёй страху, а дзеду Сашка даў панчохі ды параіў нацягнуць іх на галаву й пайсьці абрабаваць банк.
Але надакучыла "бацьке" прыймаць, загадаў ён прынесьці лыжы, ды пайшоў у іх гуляць у хакей. Тут і зьявіліся дактары "зубры", якія скруцілі Сашку, паставіўшы дыягназ: "мазаічная-псыхапатыя". А прысутным запрапанавалі, каб не падхапіць падобнае захвараваньне лячэбныя працэдуры: скокі ў мяшкох, гонкі на лыжах, ды гульню ў хакей. Кожны жадаючы мог бясплатна сфатаграфавацца з чалавекам у масцы з вусамі. А напрыканцы маладая дзяўчына распавяла праз мэгафон казку "Пра Сашку-дурака", якая скончылася сказам "Скажам дурню - не!". І прысутныя разам адкугнуліся - "НЕ!".
Уся акцыя доўжылася каля 30-ці хвілінаў. "Зубры" выказваюць вялікую падзяку супрацоўнікам праваахоўных ворганаў за тое, што тыя не перашкаджалі правядзеньню гэтай ды іншых акцыяў у Барысаве.
Прэс-рэліз
|
Сайт управляется системой uCoz
|